Proxecto "Ensinando e Aprendendo". DÍA 2

      Pois un día máis as actividades cos nosos anciáns e anciás vai vento en popa, e cada día estamos máis contentos e contentas cos resultados. Desta vez, a diferencia da semana pasada, ao noso grupo cambiáronnos de sala e pasamos a traballar coas mulleres que se atopan na enfermería; as cales coñecemos dende principio do curso e coas que xa temos unha relación moi cordial. Por iso foron bastante receptivas en xeral coas actividades (sacando algunha que outra que ou ben non pode ou ben non quere participar), aparentaban moi contentas de que traballaramos con elas xa que vían que lles prestabamos moita atención. Pero claro, aínda que puxemos a nosa mellor intención para facer as actividades con elas, o tempo non chega a nada e non podemos facer todo o que realmente desexaríamos, pero pouco a pouco iremos conseguindo pouco a pouco os nosos obxetivos!  

Proxecto "Ensinando e Aprendendo". DÍA 1

       Moi boas de novo a todas e todos. Despois destas vacacións de Nadal volvemos de novo con gañas de facer novas actividades e compartir cousas novas cos nosos anciáns e anciás do asilo. E de feito comezamos  cunha activade ou proxecto novo que consta de dividirnos en grupos e facer diferentes actividades coas dúas enfermerías e salas de mulleres e homes, respectivamente. 

     O pasado xoves 17 xa comezamos con elas. Dividímonos en catro grupos e distribuímonos dous nas enfermerías e os outros dous na sala de abaixo; e dependendo dun lugar ou outro tiñaos asignadas diferentes  actividades. Pero ocorreu que agunhas das actividades que estaban programadas para certas persoas, ou ben non as podían realizar porque non sabían ler ou escribir, ou ben porque as súas capacidades eran superiores ás que se pedían para realizar esas actividades.

     No caso do grupo que nos tocou ás rapazas que levamos a actividade esta do Asilo, déronse diferentes situacións. Por unha parte había algunhas mulleres que nos dixeron textualmente "Pero vos pensades que somos parvas?" porque as actividades que estabamos reaizando con elas non eran nin complexas nin de moito pensar; pero ao dividirnos en grupos a nós mandáronnos a xunto dunhas mulleres coas que nunca estiveramos e non coñeciamos, e de aí que non souberamos como tiñamos que actuar. En cambio, por outra parte, outros grupos de mulleres, entre as que estaban por exemplo Conchita, responderon moi ben ás actividades, e no caso de Conchita, a do "Toca-Toca" foi todo un éxito. Por iso, debido a que o noso grupo coñece moito mellor as facultades do grupo da enfermería, para o próximo día iremos nós para arriba e faremos as actividades segundo as capacidades de cada unha, xa que as coñecemos moito mellor; e incluso ao mellor poderemos incluír actividades que non están no proxecto pero que nós vexamos que poderían ser moi interesantes. Así que, con todo isto, esperamos que o próximo día nos volva a ir moi ben e poidamos compartir de novo no blog a nosa experiencia! 

Un bo día de Sol!

Hola de novo a tod@s! Unha semana máis, despois das nosas visitas ao Asilo, a xunto de quen poderiamos considerar os nosos amigos e amigas, queremos deixar unha pequena reseña de todo o que estamos conseguindo con esta actividade semanal.
O pasado xoves 15, aproveitando que o sol brillaba en abundancia e as temperaturas exteriores eran moi agradables decidimos saír ao patio do Asilo a darlles un paseo aos nosos maiores, tanto mulleres como homes, e que respirasen un pouco de aire puro. E ao parecer foi unha experiencia moi bonita e que lles gustou moito, pois víaselles un sorriso de orella a orella, dentro do que cabe. Para que as palabras non caian en saco roto, aquí van algunhas imaxes do que ese día pasou:

E ben, todo isto foi o xoves 15, pero onte volvemos a visitar aos nosos amig@s, e por parte de algúns mozos como por exemplo Manuel, Daniel, David, Yeray e Marcos; levouse a cabo unha iniciativa que gutos moito, pois eles que habitualmente se relacionan cos homes, quixeron integrarse máis e visitar tamén ás mulleres, as cales quedaron moi contentas coas súas visitas. A para rematar a mañá, ademáis da visita dos rapaces, na enfermería de mulleres tiñamos a unha amiga nosa qu cumpría 91 anos (a que aparace na foto con Ana Campos) a cal quedou moi contenta con que lle cantaramos o cumpreanos feliz ao mesmo tempo que recibía unha tarta que lle traía unha sobriña dela que a visita a miúdo.

Dende a perspectiva do noso grupo, que levamos este tema do Asilo, pensamos que se están conseguindo bastante ben os obxectivos que pretendiamos acadar; pois tendo en conta que ao principio de curso, antes de comezar coa actividade podiamos ter un concepto do Asilo como un lugar no que tratan aos anciáns de mala maneira, as condicións dos que alí están internos non son moi boas, que son persoas que non quere falar con ninguén...; pero en cambio estamonos dando conta de que é todo o contrario, e que todos o prexuízos que tiñamos están desaparecendo, e que incluso agora parece que xa estamos desexando que chegue o xoves para que, sen nós facer demasiado esforzo, simplemente con falar un pouco con eles ou darlles unha mínima mostra de afecto cunha simple caricia na man, o ledos e ledas que se poñen, iso non ten prezo.

Comezamos coas actividades!

Hola !
Co avance do curso , as relacións e actividades coas persoas maiores no asilo van mellorando.
As mulleres sobre todo , permítennos manter conversacións con maior confianza  e realizar unha maior amplitude de actividades  , os homes pola contra , preséntanse máis reservados polo que non nos é tan doado a proposta de actividades para eles.
Supoño que unha persona que traballou moito durante a vida para poder ter unha familia , unha casa  e unha boa vida cando é maior e  dependente e se ves nun lugar así non lle é facil manter contacto con persoas adolescentes que non coñecen de nada .
Nós intentamos poñer todo pola nosa parte para poderlle amenizar esa hora á semana que imos de visita alí, por iso temos propostas unha serie de actividades como por exemplo un bingo , xa que é un xogo fácil tradicional e moi entretido ; tamén pensamos en levarlle revistas ás mulleres para que se  enteren da actualidade e así  facer que se evadan da vida no asilo . Como todas as mulleres , as señoras do asilo tamén son moi coquetas ,polo tanto, tamén pensamos en levar peites , espellos , pintauñas , pinzas e todo tipo de accesorios de beleza para facelas sentir máis rexuvenecidas e para que se preocupen pola súa apariencia que é moi importante.
Para os homes , pensamos en realizar quinielas , xa que o fútbol e a gran debilidade de moitos e por suposto tamén estarían incluídos na actividade do bingo ;  no lugar da actividade relacionada coa beleza nas mulleres , para eles , pensamos en xogos como por exemplo  a petanca ou as cartas e para informalos da actualidade levaremoslle o xornal , que seguro que a moitos lle interesa.

Mañá , xoves 8 , poñeremos a proba algunha destas actividades que esperamos que sexan ben acollidas e que lles gusten xa vos contaremos como foi!


Un saúdo.

A vellez comeza cando dicimos que nunca antes nos sentíramos tan novos.

Ola de novo! Velaquí a nosa segunda entrada.
Hoxe, gustaríanos falar da vellez en si, porque á fin e ó cabo cando nos descoidemos comezarán a sairnos arrugas, perderemos certas facultades... en fin! Farémonos vellos! Pero, dende logo, gañaremos moita experiencia, porque o que vivimos ata este momento non é nada co que nos queda por vivir, e está ben seguir os consellos dos máis maiores porque despois de todo son os que saben da vida.


"Cando envellecemos, a beleza convértese nunha calidade interior."



Aceptamos este grupo porque coidar da xente maior parécenos unha bonita obra, satisfácenos moito saber que os anciáns están no asilo esperando ó xoves a que veñamos nós e que, ó chegar aí se contenten tanto!
Que Celia espere polas piruletas que lle dá Bárbara, as perrenchas de Asunción porque non lle quere ben ós de abaixo, a Enedina que nunca recorda o que comeu o día anterior (e iso que lle dicimos que o apunte!)... e moitos máis detalles!
Mañá imos traer esmalte de unllas para poñelas todas "trendy" e, a ver que tal o pasamos!


 Para estarmos no segundo mes do curso xa lle collimos moito cariño a algunhas señoras! Outras fanse de rogar... Pero pronto as conquistaremos!

Saúdos!

Hola a tod@s!!!!!

       Benvid@s a tod@s ao noso blog!! Somos Nerea, Águeda, Ana, Sandra, Cristina e Damián, os integrantes do grupo que coordina e traballa nas actividades que se van facer durante todo o curso co asilo de Caldas de Reis. O noso traballo consiste en ir preparando e propoñendo diferentes actividades a facer cos anciáns e anciás e tamén ir mostrado todas as que se van facendo e os resultados que van tendo. Así que sin máis dilacións esperamos que nos axudedes e colaboredes con nós nesta actividade e nos aportedes as vosas ideas, ben con comentarios no blog ou persoalmente, para facer máis dinámico o exercicio.